ယုံကြည်ရာ ယစ်မူးတဲ့ခေတ်

အရိယာနယ်ပယ်မှာ ---

နိုင်ငံရေး ကစားတာ မရှိဘူး

လွတ်တော်ထဲလို ငြင်းကြ ခုန်ကြတာမျိုး မရှိဘူး

လှည်းတန်းလို ဗုံးခွဲတာ မရှိဘူး
စင်္ကာပူ ရွှေရတနာဆိုင်လို စောရကြီးတွေ မရှိဘူး

တရားပွဲတွေ ပိတ်ပင်တာလဲ မရှိဘူး

ဒုဗ္ဗစပြောဆိုခက်ဆိုတဲ့ စကားတွေ မရှိဘူး

ရုပ်သေးပွဲတွေ မရှိဘူး

ဟိုလူပြောသလို dog eat dog ဇတ်တူသားစားတာမျိုး မရှိဘူး

ကိုယ့်ကိုယ်ချီးမြှောက် သူကိုကဲ့ရဲ့တဲ့

အတ္တုက္ကံသန ပရ၀မ္ဘနဆိုတာ မရှိဘူး

အရိယာတွေမှာ ယထာဝါဒီ တထာကာရီ ရှိတယ်

အပြောနဲ့ အလုပ်အတွက် ပေတံဝယ်စရာမလိုဘူး

အရိယာတွေရဲ့ criterion က ဓမ္မအပေါ်မှာတည်ဆောက်တဲ့သစ္စာ

သူတို့ သစ္စာနိုင်ငံက

တည်တယ် ငြိမ်တယ် ငြိမ်းတယ်

အေးတယ် ခိုင်ခန့်တယ်

မြှောက်လဲ မြောက်မှာမဟုတ်ဘူး

ခြောက်လဲ ကြောက်မှာမဟုတ်ဘူး

နို့နဲ့ရေ ရောထားသလို 

ဂုဏ်နဲ့ဂုဏေး ခန္ဓာနဲ့သစ္စာ

တူညီစွာ စီးဆင်းနေတယ်

မကွဲပြားဘူး တစ်သားတည်း၊

ငါတို့နေထိုင်ရာ လောက နိုင်ငံက

တုန်တယ် လှုပ်တယ်

ယိမ်းတယ် ယိုင်တယ်

ပူတယ် ကြောက်တယ်

လိမ်တယ် ၀ှက်တယ်

ကိုယ်မွေးထားတဲ့ ကရုဏာ မေတ္တာကိုမှ

ချချ နင်းတတ်တယ်

ဧည့်သည် လောဘ ဒေါသ မာနကို ဘုရားထက်ကိုးကွယ်တယ်

ကိုယ်ပြောတဲ့စကားလုံး ကိုယ်ပြန်ဦးမချရဲဘူး

ယုံကြည်ဖို့ဆိုတာ ဘာနဲ့တိုင်းတာမလဲ
ယုံကြည်ရာ ယစ်မူးကြတဲ့ ခေတ်မှာ
အစာမကြေကြတာ ခဏခဏ။